ۋاشنگىتوندا «ئۇيغۇر ئىرقىي قىرغىنچىلىقىغا قارشىلىق» ناملىق چوڭ تىپتىكى پائالىيەت ئۆتكۈزۈلىدۇ

ئۇيغۇر پوچتىسى، ئۆزگۈر ئۇيغۇر

29-نويابىر

ئۇيغۇر ئاكادېمىيىسى، ئۇيغۇر ھەرىكىتى ۋە يەنە 18 تەشكىلات ھەمكارلىشىپ، 2025-يىلى 10-دېكابىر چارشەنبە كۈنى ئامېرىكا پايتەختى ۋاشىنگىتوندا «ئۇيغۇر ئىرقىي قىرغىنچىلىقىغا قارشىلىق» ناملىق مۇھىم پائالىيەت ئۆتكۈزىدۇ. بۇ پائالىيەت مۇھاكىمە يىغىنلىرى ۋە مەدەنىيەت كۆرگەزمىسىنى ئۆز ئىچىگە ئالىدۇ. بۇ پائالىيەت 9-دېكابىر «ئۇيغۇر ئىرقىي قىرغىنچىلىقىنى خاتىرلەش كۈنى»، 10-دېكابىر «خەلقئارا كىشىلىك ھوقۇق كۈنى» ۋە 12-دېكابىر 1985-يىلى ئۈرۈمچىدە يۈز بەرگەن ئوقۇغۇچىلار نامايىشىنىڭ خاتىرە كۈنى بىلەن توغرا كەلگەنلىكى ئۈچۈن ئالاھىدە ئەھمىيەتكە ئىگە.

پائالىيەتنىڭ ئورۇنلاشتۇرۇلشى: پائالىيەتنىڭ ئاساسىي پروگراممىسى چۈشتىن كېيىن سائەت 1:00 دىن 5:00 گىچە داۋام قىلىدىغان ئېچىلىش مۇراسىمى  ۋە گورۇپپىلار مۇھاكىمىسىدىن تەركىپ تاپىدۇ. كەچ سائەت 5:00 دىن 7:30 گىچە كۈتىۋېلىش مۇراسىمى ۋە ئەنئەنىۋى ناخشا-مۇزىكا ۋە سەنئەت كۆرىكىنى ئۆز ئىچىگە ئالغان ئۇيغۇر مەدەنىيەت كۆرگەزمىسى ئۆتكۈزۈلىدۇ.

ھەمكالاشقۇچىلار: ئۇيغۇر ئاكادېمىيىسى بىلەن ئۇيغۇر ھەرىكىتى تەشكىلاتى تەرىپىدىن تەشكىللەنگەن بۇ پائالىيەت ئاۋسترالىيە ئۇيغۇر جەمئىيىتى، ئۇيغۇر تەتقىقات مەركىزى (ئامېرىكا)، درېكسېل ئۇنىۋېرسىتېتى، كانادا شەرقىي تۈركىستان جەمئىيىتى، شەرقىي تۈركىستان تەتقىقات فوندى (تۈركىيە)، جورج ۋاشىنگىتون ئۇنىۋېرسىتېتى، خەلقئارا تىبەت ھەرىكىتى، خەلقئارا جۇمھۇرىيەتچىلەر ئىنستىتۇتى (IRI)، مەملىكەتلىك دېموكراتىيە ئىنستىتۇتى (NDI)، دۆلەتلىك دېموكراتىيە فوندى (NED)، شىۋېيتسارىيە ئۇيغۇر جەمئىيىتى، ئامېرىكا ئۇيغۇر جەمئىيىتى (UAA)، ئۇيغۇر دېموكراتىيە ۋە كىشىلىك ھوقۇق مەركىزى (گېرمانىيە)، ياۋروپا ئۇيغۇر مەدەنىيەت مەركىزى (نورۋېگىيە)، ئۇيغۇر كىشىلىك ھوقۇق قۇرۇلۇشى (UHRP)، ئۇيغۇر ھوقۇقلىرىنى قوغداش قۇرۇلۇشى (كانادا)، كوممۇنىزم قۇربانلىرىنى خاتىرلەش فوندى (VOC) ۋە دۇنيا ئۇيغۇر قۇرۇلتىيى (گېرمانىيە) بىلەن ھەمكارلىقىدا، دۇنيانىڭ ھەرقايسى جايلىرىدىن كەلگەن رەھبەرلەر ۋە پائالىيەتچىلەرنى بىر يەرگە جەم قىلماقچى.

قاتناشقۇچىلارنىڭ تېزىملىتىشى قارشى ئىلىنىدىكەن.

ۋاقىت ۋە ئورۇن: 2025-يىل 10-دېكابىر چۈشتىن كېيىن سائەت 1:00 دىن كەچ سائەت 7:30 گىچە (ئامېرىكا شەرق ۋاقتى). ۋاشىنگتون د.س.، پارلامېنت بىناسى زىيارەتچىلەر مەركىزى.

Wednesday, December 10, 2025, in the Capitol Hill Visitor Center, Washington, D.C.