شەرقىي تۈركىستان پۇتبۇل بىرلەشمىسى  ئاممىۋى چاقىرىق ئېلان قىلدى

  ئۇيغۇر پوچتىسى، 26-نويابىر

كۆكبىكە

شەرقىي تۈركىستان پۇتبۇل بىرلەشمىسىنىڭ رەئىسى ئىلشات ئىسلام ئەپەندى 2025-يىلى 12-نويابىر توردا نەق مەيدان تارقىتىش ئېلىپ بېرىپ، دىئاسپورادىكى ئۇيغۇرلارنى ياردەم ۋە قوللاشقا چاقىرىق قىلدى. شۇنداقلا شەرقى تۈركىستان ئۇلۇسال پۇتبۇل كوماندىسىنىڭ غايىسى، قىلىۋاتقان خىزمەتلىرى ۋە بۇنىڭدىن كېيىن قىلماقچى بولغان خىزمەتلىرى ئۈستىدە مەلۇمات بەردى.

شەرقىي تۈركىستان ئۇلۇسال پۇتبول كوماندىسى پۇتبول كوماندىسى 2019-يىلى  قۇرۇلغان، 2025-يىلى 17-ئۆكتەبىر كۈنى گوللاندىيەدە رەسمىي ئەنگە ئېلىنغان.

كوماندا رەئىسى ئېلشات ئىسلام ئەپەندى بۇ باشلىنىشنىڭ ئەھمىيتىنى بايان قىلىپ مۇنداق دېدى: «قېرىنداشلىرىمىز ئۆز دۆلىتىمىزنىڭ نامىدا بىر پۇتبول كوماندىسىنىڭ بولۇشىنى ئۈمىد قىلىپ كېلىۋاتقان ئىدى، بۇ ئۈمىد روياپقا چىقىپ خىزمىتىمىزنى باشلىدۇق،  بىز بىر بايراق ئاستىدا جەڭگىۋار ياشلار بىلەن بىرلىكتەدۇنياغا <شەرقىي تۈركىستان يوقالمىدى، مەۋجۇت> دېگەن سىگنالنى بېرىپ تۇرۇشنى خالايمىز.» ئۇ يەنەكوماندىنىڭ بۇ خىزمەتلىرىنى ئىزچىل ۋە سۈپەتلىك داۋاملاشتۇرۇش ئۈچۈن ئادەم كۈچى ۋە ئىقتىسادىي جەھەتتىن جىددى ياردەمگە مۇھتاج ئىكەنلىكىنى بايان قىلىپ مۇنداق دېدى: «تەشۋىقات خىزمەتلىرى، مۇسابىقە ۋەئارقا سەپ خىزمەتلىرىدە ئادەم كۈچى ۋە ئىقتىسادىي كۈچكە، خەلق ئىچىدىن بىزنى قوللايدىغان، بىز بىلەن بىللەخىزمەت قىلىشنى خالايدىغان كىشلەرگە جىددى ئېھتىياجىمىز بار.»

شەرقىي تۈركىستان ئۇلۇسال پۇتبول كوماندىسى تۇنجى قېتىملىق خەلقئارالىق پۇتبول مۇسابىقىسىنى Tamil Eelam ساھىپخانلىقىدا لوندوندا ئوينىغان ئىدى.

2025-يىلى 1-ئىيۇلدىن 4-ئىيۇل كۈنىگىچە داۋاملاشقان مۇسابىقىدا، شەرقىي تۈركىستان ئۇلۇسال پۇتبۇل كوماندىسى ئىككىنجىلىككە ئېرىشىپ، 2027 Conifa دۇنيا لوڭقىسىغا قاتنىشىش سالاھىيىتىگە ئېرىشكەن ئىدى. مۇسابىقە ئۇيغۇر دىئاسپوراسىدا كۈچلۈك ھاياجان قوزغىدى. كۈزەتكۈچىلەر ئۇيغۇر دىئاسپوراسىدىكى تەنتەربىيە ۋە كۈلتۈرپائالىيەتلىرىنىڭ ئۇيغۇر خەلقىنىڭ تەشكىللىنىشى ۋە جامائەتلىشىشىگە مۇھىم ئىجابىي تەسىركۆرسىتىدىغانلىقىنى تەكىتلەپ كەلمەكتە.

بۇ قېتىم لوندوندا ئۆتكۈزۈلگەن خەلقئارالىق مۇسابىقىدىن كېيىن ئوخشىمىغان ئورگانلار شەرقىي تۈركىستان ئۇلۇسال پۇتبول كوماندىسىنىڭ باشقا مۇسابىقىلەرگە قاتنىشىشى ئۈچۈن تەكلىپلەرنى سۇنغان. شەرقىي تۈركىستان ئۇلۇسال پۇتبۇل كوماندىسى تىبەتلەر نىيۇيوركتا  ئورۇنلاشتۇرۇشنى پىلانلىغان «ئەركىنلىك لوڭقىسى»نىڭ مۇسابىقە تەكلىپىنى قوبۇل قىلغان. كۆزەتكۈچىلەر نىيۇيوركتا ئۆتكۈزۈلمەكچى بولغان مۇسابىقىنى ئىرقى قىرغىنچىلىق يۈز بېرىۋاتقان شەرقىي تۈركىستانغا دۇنيا جامائەتچىلىكىنىڭ دىققىتىنى تارتىدىغان مۇھىم پۇرسەت دەپ قارىماقتا. 

ئىلشات ئەپەندىم شەرقىي تۈركىستان ئۇلۇسال پۇتبول كوماندىسى يولۇقىۋاتقان مەسىلىلەر ھەققىدە توختىلىپ، ئىقتىسادىي ئەندىشىنىڭ ئەڭ چوڭ قىيىنچىلىق ئىكەنلىكىنى ئېيىتتى. 

ئىگىلىشىمىزچە، 2011-يىلدىن باشلاپ « شەرقىي تۈركىستان ئەركىنلىك لوڭقىسى» نامىدا مۇسابىقە ئويناپ كېلىۋاتقان شەرقىي تۈركىستان ئۇلۇسال پۇتبول كوماندىسى 6-نۆۋەتلىك مۇسابىقىنى 2026-يىلى ئىيۇلدا فىرانسىيەساھىپخانلىقىدا ئوينىماقچى ئىكەن. كوماندا رەئىسى ئىلشات ئىسلام ئەپەندى دۇنيانىڭ ھەر قايسى جايلىرىدىكى ئۇيغۇر پۇتبول كوماندىلىرىنى بۇ مۇسابىقىگە قاتنىشىشقا چاقىردى.

شەرقىي تۈركىستان ئۇلۇسال پۇتبول كوماندىسى كونىفا ( CONIFA دۆلەتسىز مىللەتلەرگە، ئاز سانلىق مىللەتلەرگە ۋەتەنتەربىيە جەھەتتىن چەتكە قېقىلغان رايونلارغا ۋەكىللىك قىلىدىغان پۇتبول كوماندىلىرىنى قوللاشنى نىشان قىلغان، پايدا ئالمايدىغان خەلقارالىق تەشكىلات)غا ئەزا بىر كوماندا بولۇپ، 2026-2027- يىللى كونىفا لوڭقىسىنى تالىشىش مۇسابىقىسىگە شەرقى تۈركىستان ئۇلۇسال پۇتبول كوماندىسىمۇ قاتنىشىدىكەن.

ئىلشات ئىسلام ئەپەندى بۇ چاقىرىقنى شەرقى تۈركستان جۇمھۇرىيەت كۈنى مۇناسۋىتى بىلەن ئىلان قىلغان بولۇپ، شەرقىي تۈركىستان خەلقئارا پۇتبول كوماندىسى داۋاملىق قوللاشقا مۇھتاج ئىكەن.

كۆكبىكە ئۇيغۇر پوچتىسىنىڭ تۈركىيەدە تۇرۇشلۇق مۇخبىرى. ئۇ ئەزھەر ئۇنىۋېرسىتېتىنىڭ ئەرەب تىلى فاكۇلتېتىنى پۈتتۈرگەن. ئۇ ئېجتىمائى، كۈلتۈرەل تېمىلاردا يازىدۇ.