ئۆمەر قاناتنىڭ «ئۇيغۇر پوچتىسى»نىڭ باشلىنىش مۇراسىمىدا سۆزلىگەن ئىنگىلىزچە سۆزى (جورج ۋاشىنگىتون ئۇنىۋېرسىتېتى، 20-نويابىر)،تۆۋەندىكىسى تەرجىمە قىلىنغان نۇسخىسى.
مېنى سۆز قىلىشقا تەكلىپ قىلغانلىقىڭلارغا چىن كۆڭلۈمدىن رەھمەت ئېيتىمەن.
ئالدى بىلەن، «ئۇيغۇر پوچتىسى»نىڭ قۇرغۇچىلىرىنى تەبرىكلەيمەن. بۇنداق مۇھىم بىر ئاخبارات ئورگىنىنىڭ يولغا قويۇلۇشىغا گۇۋاھ بولغانلىقىمدىن بەكمۇ خۇشالمەن، شۇنداقلا بۇنىڭ مۇھاجىرەتتىكى مۇستەقىل ئۇيغۇر ئاخباراتچىلىق ئەنئەنىسىنىڭ باشلىنىشى بولۇشىنى ئۈمىد قىلىمەن.
مۇستەقىل ئۇيغۇر تاراتقۇ خىزمىتىنىڭ شەرقىي تۈركىستاندا داۋاملىشىۋاتقان ۋەھشيلىكلەرنى ھۆججەتلەشتۈرۈش ۋە دۇنيا جامائەتچىلىكىنى داۋاملىق خەۋەرلەندۈرۈش ئۈچۈن نەقەدەر مۇھىمىلىقى كۆپچىلىككە مەلۇم.
ئۇيغۇر تىلىدىكى تاراتقۇ ئەڭ قاتتىق تەكشۈرۈلىۋاتقان ۋە يوقىلىۋاتقان بىر پەيتتتە، «ئۇيغۇر پوچتىسى» ھەم ئۇيغۇرچە ھەم ئىنگلىزچە نەشرى ئارقىلىق، مۇھاجىرەتتىكى ئۇيغۇرلار ئۈچۈن ئىنتايىن مۇھىم بىر مەنبە بولالايدۇ.
مۇشۇ يىلنىڭ بېشىدا ئەركىن ئاسيا رادىئوسى (RFA) ئۇيغۇر بۆلۈمىنىڭ تاقىلىپ قېلىشى ئۇيغۇر خەلقى ئۈچۈن زور زەربە بولدى.
شۇ ئېنىق ئېسمدە تۇرۇپتۇكى، ئەينى چاغدا ئامېرىكا ھۆكۈمىتى كوممۇنىستىك پارتىيە بىلەن ياخشى دىپلوماتىك مۇناسىۋەت ئورنىتالايمىز دەپ ئويلاپ، ميۇنخېندىكى ئەركىن ياۋروپا/ئازادلىق رادىئوسى (RFE/RL) نىڭ ئۇيغۇر بۆلۈمىنى تاقىغان ئىدى . خۇددى مەن بۇ يىلنىڭ بېشىدا بىر ماقالەمدە يازغىنىمدەك، بۇ بىر ستراتېگىيەلىك خاتالىق ئىدى ۋە ئامېرىكا بۇنىڭدىن ساۋاق ئالالمىدى. ھەر ئىككى رادىئودا ئىشلەش شەرىپىگە ئېرىشكەن بىرى بولۇش سۈپىتىم بىلەن، ئۇيغۇرچە پروگراممىنىڭ ئىككىنچى قېتىم يوقىلىشى مېنى ئازابلىدى.
مۇستەقىل ئۇيغۇر ئاخباراتچىلىقىنى ساقلاپ قېلىش ئۈچۈن ۋاقتى، ئېنېرگىيەسى ۋە بايلىقلىرىنى قۇربان قىلىۋاتقانلارنىڭ جاسارىتىگە ئىنتايىن مىننەتدارمىز. ئەركىن ئاسيا رادىئوسى ئۇيغۇر بۆلۈمىنىڭ يوقىلىشىغا قارىماي، بۇ بىر ئەۋلادنىڭ تىلىمىز، مەدەنىيىتىمىز ۋە ئەقلىي مىراسلىرىمىزنى ساقلاپ قېلىش ئىرادىسىدىن ئۈمىدكە تولىمەن.
«ئۇيغۇر پوچتىسى»نىڭ ۋەزىپىسى بىز ئۈچۈنلا ئەمەس، بەلكى كەلگۈسى ئەۋلادلار ئۈچۈنمۇ ئىنتايىن ھالقىلىق ئەھمىيەتكە ئىگە.
ئۆمەر قانات -ئۇيغۇر كىشلىك ھوقۇق قۇرۇلۇشى ئىجرائىيە دېرىكتورى؛ تونۇلغان كىشلىك ھوقۇق پائالىيەتچىسى ۋە باشلامچى.
Discover more from ئۇيغۇر پوچتىسى
Subscribe to get the latest posts sent to your email.
