20-نويابىر ئۇيغۇر پوچتىسىنىڭ قۇرۇلۇش مۇھاكىمە يېغىنىغا ماسساچۇسېتس شىتاتىدىن بولغان دۆلەت مەجلىسى ئەزاسى جامىس ماككاۋىرىن تەبرىكنامە ئەۋەتكەن بولۇپ، ئۇ سۆزىدە، ئۇيغۇر تىلىدىكى ئاخبارات ۋاستىلىرىنىڭ مۇھىملىقىنى ۋە ئۆزىنىڭ بۇ ھەقتىكى تىرىشچانلىقىنى تەكىتلىگەن، ئۇيغۇر پوچتىسىنىڭ يېڭى ۋە مۇستەقىل ئاخبارات ۋاستىسى بولۇپ چېقىدىغانلىقىغا بولغان ئىشەنچىسىنى ئوتتۇرىغا قويغان. ئۇ ئۇيغۇر پوچتىسىنىڭ قۇرۇلغانلىقىنى تەبرىكلەپ مۇنداق دېگەن:
«ئۇيغۇر پوچتىسى» ئۇيغۇر خەلقىنىڭ ئاۋازىنى ئاڭلىتىش ۋە ئۇيغۇر ئاخباراتچىلىق ساھەسىگە مەبلەغ سېلىش جەھەتتىكى بوشلۇقنى تولدۇرۇش ئۈچۈن تەسس قىلىنغان ئۇيغۇر تىلىدىكى يېڭى ھەم مۇستەقىل ئاخبارات ئورگىنى بولالايدۇ.
«ئۇيغۇر پوچتىسى»نىڭ تەھرىر ھەيئىتى تىزىملىكىدىكى مۆتىۋەر ئىسىملاردىن بۇ تىرىشچانلىققا تولۇق ئىشىنىمەن؛ ئۇلارنىڭ بەزىلىرى دۆلەت مەجلىسى كومىتېتىدا گۇۋاھلىق بەرگەن، شۇنداقلا ئۇلارنىڭ خىزمىتى بىزنىڭ دۆلەت مەجلىسى ئىلگىرى سۈرگەن قانۇن چىقىرىش ۋە سىياسەت بەلگىلەش خىزمىتىمىزگە بەلگىلىك تۆھپىلەرنى قوشقان. مەن «ئۇيغۇر پوچتىسى»نىڭ ئۆز خىزمىتىنى باشلىشى ۋە خىزمەت گۇرۇپپىسنى قۇرۇشى بىلەن ئۇنىڭ مۇۋەپپەقىيىتى ھەققىدە تېخىمۇ كۆپ نەرسىلەرنى بىلىشكە ئىنتىزارمەن.
ئۇيغۇر خەلقى ئۆزلىرىنىڭ ئىززەت-ھۆرمىتى ۋە كىملىكىنى تارتىۋېلىشقا ئۇرۇنغان ۋەھشىي ھۆكۈمەت كەلتۈرۈپ چىقارغان نۇرغۇن قىيىنچىلىق ۋە ئازاب-ئوقۇبەتلەرگە قارىماي، ھەيران قالارلىق قەيسەرلىكىنى نامايەن قىلدى.
«ئۇيغۇر پوچتىسى» بۇ روھنىڭ ئەڭ ياخشى نامايەندىسىدۇر. مەن ئۇنىڭ مۇۋەپپەقىيەت قازىنىدىغانلىقىدىن ھېچ شۈبھىلەنمەيمەن.
Discover more from ئۇيغۇر پوچتىسى
Subscribe to get the latest posts sent to your email.
