ئۇيغۇر پوچتىسى / 1-ئۆكتەبىر
ئامېرىكا كالىفورنىيە شتاتى لوس ئانجېلىس شەھىرى رايونىدىكى ئۇيغۇرلار، تىبەتلىكلەر، خوڭ كوڭلۇقلار ۋە تەيۋەنلىكلەر گۇرۇپپىسى لوس ئانجېلىستىكى خىتاي كونسۇلخانىسى ئالدىدا نامايىش ئۆتكۈزۈپ، خىتاي ھەر قايسى خەلقلەرگە ئېلىپ بېرىۋاتقان زۇلۇم ۋە ۋەيرانچىلىقلارغا نارازىلىق بىلدۈرگەن. بۈگۈنكى پائالىيەتكە ئۇيغۇر سىياسىي پائالىيەتچىسى مۇتەللىپ قۇربان رىياسەتچىلىك قىلغان. نامايىشچىلار مۇتەللىپنىڭ يېتەكچىلىكىدە نارازىلىق شۇئارلىرىنى توۋلىغان. شۇئارلارنىمۇ ئاساسەن مۇتەللىپ يېتەكچى بولۇپ توۋلاپ بەردى. نامايىشچىلار «خىتاي كومپارتىيىسى يوقالسۇن»، «ئۇيغۇر قىرغىنچىلىقىنى توختات!» قاتارلىق شۇئارلارنى توۋلىغان.
كالىفورنىيە شتاتىدا تۇرۇشلۇق ئۇيغۇر زىيالىسى ۋە ئۇيغۇر پىروژېكت فوندىنىڭ رەئىسى ئەركىن سىدىق مۇنداق يازغان: «ھەر يىلى 1-ئۆكتەبىر ئۇيغۇرلار ئۈچۈن بىر مىللىي ماتەم كۈنى. بۇ كۈننى بىز قايغۇ بىلەن خاتىرلەيمىز، ئۇنتۇمايمىز.»
Discover more from ئۇيغۇر پوچتىسى
Subscribe to get the latest posts sent to your email.
