ئۇيغۇر پوچتىسىغا ئەسەر ئەۋەتىشتىن بۇرۇن چوقۇم بىزنىڭ غايە ۋە پىرىنسىپلىرىمىزنى ئوقۇپ چىقىشىڭىزغا، تور بېتىمىزدىكى ئالاقىدار ماقالە-ئەسەرلەرنى ئوقۇپ چىقىشىڭىزغا تەۋسىيە قىلىمىز.
ئەسەر قوبۇل قىلىنىدىغان تۈرلەر
تۆۋەندىكىدەك تۈرلۈك تېمىلاردا ماقالە-ئەسەرلەرنى يېزىشىڭىزنى، ئۇچۇر ئەۋەتىشىڭىزنى قارشى ئالىمىز:
- خەۋەر يىپ ئۇچى
- قىسقا ماقالە
- ئوبزور
- ئەسلىمە ۋە تارىخىي ئەسەر
- مەدەنىيەت ۋە سەنئەت تېمىلىرى
- ساياھەت ۋە يېمەك-ئىچمەك
- كىتابلارنى تونۇشتۇرۇش ۋە باھا
- ئاۋام ئاۋازى
- سىياسىي ئانالىز
- زىيارەت ماقالىلىرى
- ئەدەبىي ئاخبارات قاتارلىق تېمىلاردا ئەسەرلەرنى قوبۇل قىلىمىز.
ھەر بىر تېمىدا ئىزدەنگەن بولۇشى ياكى بىلىم ۋە تەجرىبىگە ئىگە بولغان بولۇشى، يېڭى پىكىر، پىرىنسىپ، ئاۋامغا قىممەتلىك ۋە پايدىلىق بولغان بولۇشى كۈتۈلىدۇ.
ئوبزورلار ھەققىدە
ئوبزور سەھىپىسى «ئۇيغۇر پوچتىسى» تەرىپىدىن كەڭ جامائەتچىلىككە ئورتاق ئېچىلغان بولۇپ، ئۇيغۇرلارغا ئورتاق تېمىلاردا سۈپەتلىك مۇھاكىمە، تەنقىد، ماقالىلارغا ئوچۇقتۇر. «ئۇيغۇر پوچتىسى» ئۇچۇر ۋە ئاخبارات ئەركىنلىكى، سۆز ئەركىنلىكى، باراۋەرلىك قاتارلىق دېموكراتىك پىرىنسىپلارغا رىئايە قىلىپ، ئۇيغۇر دىئاسپوراسى ئىچىدىكى كۆپ خىل، ئوخشىمىغان ئاۋازلارنى باراۋەر ئەكس ئەتتۈرۈش ۋە سەھنە بېرىشكە تىرىشچانلىق قىلىدۇ.
«ئۇيغۇر پوچتىسى» خەۋەر-ئوبزورلىرى (قىسقا خەۋەرلەردىن باشقا)دا مۇخبىر ۋە قەلەم ئىگىسىنىڭ ئىسمى قوشۇلىدۇ. خەۋەر ئاستىدا قىسقىچە تونۇشتۇرۇلىدۇ. تەكلىپلىك ئوبزور-ماقالىلەرنىڭ ئاخىرىدا، ئۇلار ئوتتۇرىغا قويغان ئوبزورلارنىڭ شەخسىي ھوقۇق، دىن، ئىرقىي، جىنىس مەسىلىلىرىگە چېتىلماسلىقى، دەخلى قىلماسلىقى لازىم.
ئوبزورلارنىڭ:
- ئېنىق مۇددىئا، قىممەت قاراش بولۇشى
- ئۇيغۇرلارغا مۇھىم بولغان مەسىلىلەردە يېڭى، توغرا، ئۆزگىچە پىكىرلەرنى تەمىنلىگەن بولۇشى
- پاكىت ۋە ئاساسلىرى، مەنبەلىرى ئىشەنچلىك بولۇشى
- كۆلىمى بىر بەتتىن بەش بەتكىچە بولۇشى
- ئىملا ۋە تىل قائىدىلىرىگە رىئايە قىلغان بولۇشى
- ئىشلەتكەن ئۇچۇرلارنىڭ پاكىتى تەمىنلەنگەن بولۇشى لازىم.
باشقا قائىدىلەر
- ئەۋەتىلگەن ئەسەرلەرنى تەھرىرلەش، مەزمۇنىنى قىسقارتىش، ئېلان قىلىش-قىلماسلىق ھوقۇقى «ئۇيغۇر پوچتىسى»دا بولىدۇ.
- ئەسەر 5 كۈنگىچە ئېلان قىلىنمىسا، سىزگە جاۋاب قايتۇرمىساق، ماقالىڭىزنى باشقا ئورۇنلاردا ئېلان قىلسىڭىز بولىدۇ.
- «ئۇيغۇر پوچتىسى» ئەۋەتىلگەن ئەسەرلەرگە ھەق تۆلىمەيدۇ، ھەق تەلەپ قىلمايدۇ.
- ئوبزورلار ۋە ماقالە-ئەسەرلەردە ئوتتۇرىغا قويۇلغان پىكىر ۋە كۆز-قاراشلار «ئۇيغۇر پوچتىسى»نىڭ مەيدانىغا ۋەكىللىك قىلمايدۇ.
خەۋەر يىپ ئۇچى تەمىنلەش، ماقالە-ئەسەر ئەۋەتىش ئۈچۈن ئالاقە ئادىرىسى: uyghurpost24@gmail.com
