رەھىمە ماھمۇت: «ئۇيغۇر پوچتىسى» يالغان ئۇچۇرلارغا تاقابىل تۇرۇشتا ۋە ئورتاق ئاۋازىمىزنى قوغداشتا ئىنتايىن مۇھىم رول ئوينايدۇ

(رەھىمە ماھمۇتنىڭ «ئۇيغۇر پوچتسى» تەسىس قىلىنغانلىقىغا ئاتاپ ئەۋەتكەن تەبىرىك سۆزى)

ئالدى بىلەن، مەن «ئۇيغۇر پوچتىسى»نىڭ يولغا قويۇلۇشى بىلەن سەمىمىي تەبرىكلىرىمنى يوللايمەن. 

ھازىر بىزنىڭ خەلقىمىز ئۈچۈن ھەقىقەتەن مۇھىم بىر مەزگىلدۇر. ساختا ئۇچۇرلار كەڭ تارقىلىۋاتقان، سۈنئىي ئىدراك (AI) ئارقىلىق تارقىتىلغان يالغان ئۇچۇرلار ھەممە يەردە مەۋجۇت بولۇپ تۇرغان، شۇنداقلا خىتاي ھۆكۈمىتىنىڭ تەشۋىقات ماشىنىسى ئۇيغۇر قىرغىنچىلىقىنى يوشۇرۇش ئۈچۈن توختىماي تىركىشىۋاتقان بىر پەيتتە، مۇستەقىل بىر ئۇيغۇر ئاۋازىنىڭ بولۇشى تولىمۇ زۆرۈردۇر.

بىزنىڭ تىلىمىز، كەچۈرمىشلىرىمىز ۋە ھەقىقەتلىرىمىز خىتاينىڭ يوقىتىش نىشانىغا ئايلىنىپ، خەۋپ ئىچچىدە قالدى. «ئۇيغۇر پوچتىسى»دىن ئىبارەت ئۇيغۇر تىلىدىكى بۇ سۇپا تىلىمىزنىڭ كېيىنكى ئەۋلادلار ئۈچۈن ساقلىنىپ قېلىشىدا مۇھىم رول ئوينايدۇ.

مەن «ئۇيغۇر پوچتىسى»نىڭ قۇرغۇچىلىرىغا ۋە ئۇنى يۈرگۈزىۋاتقان گۇرۇپپىغا ھۆرمەت بىلدۈرىمەن. سىلەرنىڭ ساداقىتىڭلار، كەسپچانلىقىڭلارۋە باتۇرلىقىڭلارغا ئاپىرىن ئېيتىمەن. سىلەرنىڭ قەتئىي ئىرادەڭلار «ئۇيغۇر پوچتىسى»نىڭ ئىشەنچلىك ئۇچۇر مەنبەسىگە ئايلىنىدىغانلىقىدىن دېرەك بېرىپ تۇرۇپتۇ. مەن «ئۇيغۇر پوچتىسى»نىڭ يالغان ئۇچۇرلارغا تاقابىل تۇرۇش، رېئاللىقىمىزنى خاتىرىلەش ۋە ئورتاق ئاۋازىمىزنى قوغداشتا ئىنتايىن مۇھىم رول ئوينايدىغانلىقىغا ئىشىنىمەن.

سىلەرگە ئۇتۇق تىلەيمەن. «ئۇيغۇر پوچتىسى» نىڭ كېيىنكى نۇرغۇن يىللارغىچە ھەققانىيەت ۋە تىرىلىشنىڭ چىرىغى سۈپىتىدە پارلاپ تۇرۇشىنى ئۈمىد قىلىمەن.

چۇڭقۇر تەبرىك ۋە قوللاش بىلەن

رەھىمە مەھمۇت

(ئۇيغۇر ھوقۇق پائالىيەتچىسى، «ئۇيغۇر قىرغىنچىلىقىنى توختىتىش» تەشكىلاتىنىڭ ئىجرائىيە دېرىكتورى)